Атырау облысында «Таза Қазақстан» акциясы аясында жастармен кездесу өтті
Атырау облысында «Таза Қазақстан» экологиялық акциясы аясында «Eco Generation: Таза әлемге қадам» тақырыбында жастармен кездесу алаңы өтті. Іс-шараны облыстық Ішкі саясат басқармасының «Атырау облысының Жастар ресурстық орталығы» КММ ұйымдастырды, - деп хабарлайды Adaladam.kz.
Кездесуге оқушылар мен белсенді жастардан құралған 70 адам қатысты. Негізгі мақсат – жастар арасындағы экологиялық мәдениетті қалыптастыру, қоршаған ортаны қорғаудың маңызын жан-жақты түсіндіру, экология саласындағы өзекті мәселелерді талқылау, сондай-ақ жастар мен сарапшылар арасында ашық диалог алаңын құру.
Кездесу барысында фасилитация спикері Асылханым Ахмурова экологиялық ойлау мен командалық жұмыстың маңыздылығына тоқталды.
