Астанада Айнұр Әбдірәсілқызының Қожа Ахмет Ясауиге арналған екі кітабының тұсаукесері өтті

Елордада филология ғылымдарының кандидаты, ақын әрі ғалым Айнұр Әбдірәсілқызының «Ясауи поэзиясы және түркі әдебиеті» атты монографиясы мен «Шайхым — Ахмет Ясауи…» тарихи-танымдық пьесасының тұсаукесері өтті.

Автордың айтуынша, монография – 25 жылдық ғылыми еңбектің жемісі.

«„Ясауи поэзиясы және түркі әдебиеті“ атты монография – 25 жылдық еңбегіміздің жемісі. Онда Ясауи мұрасына арналған әлемдегі іргелі зерттеулер талданып, „Диуани хикметтің“ қазақ тіліне аударылған 17 нұсқасы сараланды», – деді Айнұр Әбдірәсілқызы.

Іс-шараға ғалымдар, зиялы қауым өкілдері, сондай-ақ Түркия, Өзбекстан, Түрікменстан және халықаралық түркі ұйымдарының өкілдері қатысты.