«Бір сөзден кейін депутат болуға келістім» - Ардақ Назаров

Мәжіліс депутаты Ардақ Назаров Adal ADAM youtube арнасына берген сұхбатында өзіне бірнеше рет депутат болуға ұсыныс түскенін жеткізді. Алайда кімнен, қайдан екенін нақты айтпады. 

«Мен депутат болар алдында ескертті: ертең сенің артыңнан адам түседі, өйткені сен қазақсың, сен дәстүрді жақсы қозғайсың, жастармен жақсы жұмыс ітсейсің және сенде дін бар деді. Қайтсе де сені олар қаралап көрсетеді, соған дайын бол деді. Мұны достарым, ақылды жігіттер айтты. Жалпы өзім саясатты жақсы көрмейтін адаммын, бірнеше рет «отказ» бергем депутат болуға. Астанаға бірнеше рет келгеннен кейін өзімнің келісімімді бердім. Бір сөзден кейін. Ол сөзді кейін айтармын. Ал әкеме Парламентке депутат болайын деп жатқанымды айттым. «Бірақ ертең балаңыздың талқанын шығаруы, қаралап көрсетуі мүмкін, басқа болуы мүмкін. Соған дайынсыздар ма?» дедім. Әкем «балам, бір емес, сені жеті рет шақырып тұр ғой. Анаң екеуміз батамызды береміз, сен бар да халқыңа қызмет жаса. Сен осы уақытқа дейін өз еңбегіңмен, спортыңмен елдің байрағын көтеріп, қызметіңді жасадың. Енді ақылыңмен, біліміңмен, сөзіңмен қызмет жасайтын кезің келді. Балам, дұрыс сөз сөйле, шындықты айт» деді. Тура осылай айтты. Содан түнімен ойландым, Алладан қайырын тіледім, таңертең жүрегім тап-таза. Содан осы жаққа (Парламентке) келдім», - деді.